Warbixin ay soo saareen ayaa waxa ay sidoo kale ku shaaciyeen baarayaashan in gantaalka laga soo tuuray deegaan ay ku sugnaayeen koox mucaarad ah oo Ruushku taageero.

Dhammaan dadkii saarnaa 298 ruux ee saarnaa diyaarada Boeing 777 ee ka soo duushay Amsterdam kuna sii jeeday Kuala Lumpur ayaa ku dhintey kadib markii ay hawada sare ku kala go’goday.

Dowlada Ruushka ayaa ku tilmaantay warkan ka soo yeeray dambi baarayaasha inuu yahay mid ku salaysan arrimo siyaasadeed waxana uu markale ay beenisay dowlada Ruushka inaysan marnaba soo ridin diyaaradan.

Madaxa kooxdii baareysay burburka diyaaradan oo u dhashay dalka Denmark Wilbert Paulissen ayaa shir jaraa’id ka sheegay: "Baaritaankeenii dambiga la galay ee lagu soo ridey diyaarada duulimaadkeedu ahaa MH17 waxa uu noqday in uu ku dhacay Buk oo lambarka tirsigiisu ahaa 9M83 lagana soo ridey gudaha dalka Ruushka,”

Baarayaasha ayaa waxa ay ku soo koobeen goobta laga ridey gantaalka meel ku dhow Pervomaiskyi oo ah meel ay ku sugan yihiin mucaarad.

Hase yeeshee, baarayaasha ayaa waxa ay sheegeen in ay weli doonayaan in ay ogaadeen cidda bixisay amarkii lagu soo ridey diyaarada,iyagoo cadeeyay illaa boqol ruux oo lala xiriirinayay inay mas’uul ka ahaayeen soo ridida diyaarada. Kooxaha baarayaasha ayaa waxaa ay ka koobnaayeen dalalka Netherlands, Australia, Belgium, Malaysia iyo Ukraine.