Danjiraha QM u fadhiya Dalka Soomaaliya, Michael Keating ayaa wax laga xumaado ku tilmaamay weerarkii ay ms’uuliyadiisu sheegteen Xarakada Al Shabaab ee lagu beegsaday Hoteelkaasi.

Michael Keating ayaa sheegay in uu naxay kadib markii uu maqlay in Weerarkaasi uu ku dhintay Burci Maxamed Xamza , Wasiiru Dowlaha Arimaha Degaanka ee Xafiiska Ra’iisul Wasaaraha Soomaaliya.

Dhinaca kale, Wakiilka Ururka Midowga Yurub u qaabilsan arimaha Soomaaliya ayaa si kulul u cambaareeyay Weerarkii Xarakada Al Shabaab ay Shalay ku qaadeen Hoteelka Naasa-Hablood.

Weerarkan ismiidaaminta ahaa ee ka dhashay khasaaraha dhimasho ee in ka badan 15-ka Ruux ayaa mid la mid ah waxaa 1-da bishan June Xarakada Al Shabaab ay ku qaadeen Hoteelka Ambaasadoor oo ku yaalla wadada Maka Al Mukarama ee Magaalada Muqdisho.