Ciidamada Ciraaq ayaa Magaalada waxa ay ka galeen dhanka Koonfureed, waxaana wararka ay sheegayaan inay gacanta ku dhigeen Xarun Boolis oo Daacish ay ku sugnaan jirtay.

Generaaal ka tirsan ciidamada oo lagu magacaabo Ali Al-Hamdaani ayaa sheegay in ciidankoodu ay jireen furamaha hore ee Kooxda Daacish.

Dagaalka ayaa si xoogan u socda, waxaana cabsida ugu badan ay ka jirtaa Dadka rayidka ah ee kumanaanka ah ee Bartamaha Magaalada ku sugan inay waxyeelo kala duwan soo gaarto.

Saraakiil ka tirsan Dowladda Mareykanka ayaa qiyaas ka bixiyay tirada Xoogaga Daacish ee ku sugan Magaalada Falluja, waxaana ay sheegeen in qiyaastii ay gaarayaan 500 ilaa 700 oo Askari.

Ku dhawaan 50 kun oo qof ayaa ku xanniban imika gudaha magaalada, kuwaasoo aan imika haysan biyo, koronto iyo shidaal, sida ay sheegtay hay’adda NRC, oo ah hay’ad qaxootiga Norway.