"Ciidamada AMISOM, waxay xilligaan ku jiraan Hawl-gallo xasaasi ah, mana ahayn xilli loo baahnaa in dhaqaalaha qaarkiis laga jaro, waayo taasi waxay la micno noqonaysaa in la qubo guulihii hawl-gallada Somalia laga gaaray,” ayuu yiri Gaffel Nkolokosa.

Al-shabaab oo la aasaasay sanadkii 2006-dii, ayaa waxay qaraxyo iyo weeraro kala duwan ka fulisay; Soomaaliya, Uganda, Kenya iyo Jabuuti, kuwaasoo boqollaal ruux ay ku dishay. Inkastoo ciidamada AMISOM oo ka socda dalal dhowr ah oo ka Tirsan Afrika ay u Xoog-sheegteen Al-shabaab ayna ka saareen deegannno ay ka talin jirtay.

"Qaramada Midoobay, Waxaan ka doonaynaa in ay AMISOM siiso Taageero buuxda oo la mid ah tan la siiyo ciidanka nabad-ilaalinta ah ee hoos-yimaada si ay u gutaan waajibaadka ay u joogaan Soomaaliya,” ayuu mar kale Nkolokosa, oo ku daray hadalkiisa in haddii aan taageero la helin aysan suuro-gal ahayn in hawl-galka Somalia lagu guuleysto.

Afhayeenka AMISOM oo ka hadlay duqeymaha Mareykanka uu ka fuliyo Somalia, laguna beegsado Saraakiisha Al-shabaab, ayaa sheegay in taasi ay gacan ka geysanayso Daciifinta awoodaha Al-shabaab.

"Hubaashii, ciidanka AMISOM waxay ku guuleysatay inay Al-shabaab ka saarto deegaano ku yaalla Bartamaha iyo Koonfurta Soomaaliya, Tan iyo Sannadkii hore ee 2015-kii. Balse taageero dheeraad ah oo la helo ayaa xoojin karta howlgallada AMISOM,” ayuu hadalkiisa ku daray Gaffel Nkolokosa.

Ugu dabmeyn, Afhayeenkaan u hadlay AMISOM ayaa sheegay in Ciidamada AMISOM ay u baahan yihiin taageero ay ka mid tahay; qalabka ciidamada, tababarro iyo in sidoo kale la xoojiyo ciidamada AMISOM, si ugu guuleystaan inay sugaan ammaanka guud ee Somalia.