Ugu horayn Klopp oo ka hadlaya in aanu wareega sideed dhamaadka doonayn kooxda Dortmund ayaa yidhi: "Anigu wareega xidiga ma doonayo Dortmund, maxay tahay sababta aan u doonayo kooxda ugu xoogan ee tartankan?. dhamaan saaxiibadayda Dortmund joogaa waxay doonayaan in ay anaga nala ciyaaraan, laakiin kaliya waxay doonayaan in ay nagula ciyaaran Basel(finalka St. Jakob-Park ). Waxay ka soo guulaysteen Tottenham taasina wax aad uxun ma aha”

.Xidiga ree Brazil ee Philippe Coutinho ayaa qaab ciyaareed layaableh ku soo bandhigay Old Traffrod isaga oo waliba dhaliyay gool cajiib ah kaas oo dhulka dhigay Manchester United. Goolka Coutinho ayaa Red Devils hawsha ku laba jibaaray iyada oo markii hore laga doonayay hal gool oo kaliya, balse goolka martida looga dhaliyay ayaa kooxda Van Gaal niyada ka jabiyay

.

 

wuxuuna Klopp oo arintaa ka hadlayaa uu yidhi: "haa, waxaanu sii ogayn in ay jiri doonaan waqtiyo ay falcelin samayn doonaan, Man United aad ayay qaybta hore nooga xooganayd, dhibaato yar ayaa naga soo gaadhaysay in aanu qaybta hore kubbada dib u helno, laakiin marka aanu kubbada helno waxaanu abuuraynay fursado layaableh, De Gea ayaa habeen kale oo fiican qaatay. Waxay heleen rekoodhe, waxaan filayaa in uu rekoodhe ahaa kadib Philipe Coutinho ayaa helay waqti khaas ah, waxa uu ahaa waqti layaableh”.Klopp ayaa hadalkiisa raaciyay: "Idinku waxaad Philippe Coutinho taqaaneen in ka badan inta aan aqaan! qaybtii hore waxa uu helay waqtiyo aad u fiican, waxay uyara eekayd kulankii Manchester City, wax aad iyo aad u fiican ayuu ahaa wixii aanu samaynay, waxa aad samayso xaaladahan oo kale waa wax aad u fiican”.