Ma jirto cid si rasmi ah u sheegatay mas’uuliyadda weerarka, hase yeehsee saraakiisha Turkiga ayaa sheegay inay ku dhowaaqi doonaan natiijada baaritaanka, maanta.

Ciidamada Turkish-ka ayaa weerar ka dhan ah kooxda PKK fulinayey tan iyo bishii July, markii madaxweyne Recep Tayyip Erdogan uu ku dhowaaqay dagaal socon doonaan inta dhammaan mintidiinta laga adkaanayo.

Weerarkii shalay ayaa ka dhacay meel u dhow fagaaraha Kizilay, oo ah meel laga dukaameysto, baabuurtana laga raaco, oo ku dhow xarumaha dowladda iyo safaaradaha dalalka shisheeye. Wasiirka caafimaadka Turkiga Mehmet Muezzinoglu ayaa sheegay in weerarka lagu bartilmaameedsaday dad shacab ah, islamarkaana in ka badan 120 qof oo kale lagu dhaawacay.