Al-shabaab oo weerar khasaaro geystay ka fulisay Kenya
0
Tuesday September 22, 2020 - 15:08:53 in Wararka by
- Visits: 261
-
- Share
Warar dheeraad ah ayaa laga helayaa dagaala xoogan oo dhexmaray Ciidamo ka tirsan Booliska dowladda Kenya iyo dagaalamayaasha Al-shabaab, kaasi oo ka dhacay deegaan ka tirsan Magaalada Mandheera ee Gobolka Waqooyi barri ee Kenya.
Dagaalka ayaa ka dambeeyay, kadib markii Al-shabaab ay weerar ku qaadeen Kolonyo ay la socdeen Ciidamo Milateri ah kana tirsan Kenya, xili ay socdaal ku marayeen inta u dhexeeysa Lafey iyo Alungu-Elwak ee Mandheera, sidaasina uu dagaalka ku bilowday.
Saraakiil ka tarsal Booliska Kenya oo la hadlay warbaahinta ayaa u sheegay in dagaalkaas uu ka dhashay Khasaaro isugu jira dhimasho iyo dhaawac oo soo kala gaaray labada dhinac.
Sarkaal Boolis ah ayaa sheegay in Al-shabaab ay ka
dileen 5 dagaalame, halka kuwo ay ka dhaawaceen, sidoo kalena dhankooda
uu ka geeriyooday hal Askari, laba kalena ay dhaawacyo Culus kasoo
gaareen, isagoo xusay in dhimashada dhankooda ay korortay.
Dadka deegaanka ayaa soo weriyay in Ciidanka Milateriga ahaa ee weerarka lala eegtay ay kusii jeedeen Garoon diyaaradeed, isla markaana dagaalka dhexmaray labada dhinac uu socday muddo ku dhow hal saac.
Al-shabaab ayaa dhowr jeer weeraro toos ah iyo qaraxyo miinooyin ah la eegtay Ciidanka dowladda Kenya, waxaana inta badan weeraradaas Ciidanka Kenyaan kasoo gaaray Khasaarooyin kala duwan.
Facebook
Twitter
Youtube
Google+
RSS Feed
Al-shabaab oo weerar khasaaro geystay ka fulisay Kenya
Warar dheeraad ah ayaa laga helayaa dagaala xoogan oo dhexmaray Ciidamo ka tirsan Booliska dowladda Kenya iyo dagaalamayaasha Al-shabaab, kaasi oo ka dhacay deegaan ka tirsan Magaalada Mandheera ee Gobolka Waqooyi barri ee Kenya. Dagaalka ayaa ka