Khatar Cadiim, Fadllan Akhri oo Fekerkaaga ka dhiibo, waa muhim!!!.
Maalmahaan Baarlamaanku waxa uu ku Mashquulsan yahay, Ansixinta Sharciyo laga Mudan yahay, waxa uuna ka maagayaa in uu ka doodo Miinada naloo aasay ee ku xiran Saacad ah 2-3 Sanno, Taa oo aan Dalka qeyba ka mid ah iyo Qaran nimadeena ku wey karno.
Meel maran ayaa farta naloogu Fiiqayaa, is annagu aan gacanteena isagu Dilno. ( F.S: 1ad)
Haddii aad si fiican u fiiriso
Sharciga Caalamiga ah ee maamula Heshiisyada Dawladaha
Caalamku ay kala sixiidaan, "The Vienna Convention on the Law of
Treaties (VCLT)” waxaa la saxiixay 23/5/ 1969 wuxuuna hirgelay 27/1/
1980, Magaalada Vienna. Heshiisyada waxaa ku cad: Haddii Dawladaha wada
gelay Heshiis Baarlamaankoodu eynan diidin wuxuu hirgelayaa muddo 2-3
sano gudahood ah. Mar haddii Heshiiayadaan ay hirgelana way adagtahay si
loo soo celiyo waana (irrevocable).
Tusaale ahaan, kiiskii muranka Badda ee Somaliya iyo
kenya waxaa lagu badbaaday waqtigii Md. Sheekh Shariif, in Baarlamaanka
Soomaaliya diiday Heshiiskaa waana ku mahadsanyihiin Xubnihii
Baarlamaankii waqtigaa Joogay. Inkasta oo Kenya ey Heshiiskaas deg deg
uga diiwaan gelisay Vienna isla markiiba.
Diidmada Baarlamaankii waqtigaas jiray ayaa suura
galisay in Md. Xasan Sheekh uu Dacwa geeyo ICJ, haddan Baarlamaankii
hore diidi leheyn Dacwada nalagama Aqbaleen.
Waqtigaan la joogo Baarlamaanka waxaa laga sugaa in ey
Diidaan Heshiisyo kaa ka daran, waxaa ka mid ah dhowr heshiis oo
Ethiopia lala galay iyo kuwa kale, inksata oo Dowladu ey diiday in ey
Baarlamaanka hor keento, si ey Mudada 2-3 Sanno ahi u dhacdo, kadibna
nalagu hirgaliyo sharciga, Farsamadaa kama maqno Dowlado Ajnabi ah,
Dowlada Ethiopia iyo Dowlada Somalida oo dowr jeer diiday in Baarlamanka
la hor keeno Heshiiskii 4ta Dekedood iyo in Somalia & Ethiopia ey
noqonayaan hal Waddan. Heshiisyadaa Ethiopia mar hore ayeeyba ka Diiwaan
galisay "Xarunta Viena” si loo waafajiyo "VIENNA CONVENTION ON THE LAW
OF TREATIES” .
Dib u xasuuso hadalladii Madaxweynihii hore ee
Mareykanka Mr. Jimmy Carter, mar uu joogay Aftidii loo qaadayey Eritrea
inay ka go’do Ethiopia 23-25/4/ 1993 ee uu ku yiri: wax la aqbali karo
ma ahan Ethiopia oo Dadkeedu dhan yahay 100 Million in ey Bad la’aan
ahaadaan. Waddan Dadkiisu uu yahay 3 Milliona uu leyahay Xeebta Africa
ugu dheer. Mar kale Xasuuso isla Haddalkaa waxaa ku soo Celiyay u
qaabilsanaha Arrimaha Africa Dawladda Mareykanka, (US Assistant
Secretary of State department for African Affairs) Ms. Jendayi Frazer
Sannadkii 2005 isaga oo weliba Joogo xarunta Midawga Afrika ee Addis
Ababa.
Waxaa la daneynayaa in Baarlamaanka ama xukuumadu ey sii
joogaan ama mid u eg la sameeyo si aan Arrintaa looga hadal 2-3 Sanno,
kadibna Baarlamaankii iyo Xukuumadii ka aamustay midkoodna Dan lagama
leh, in ey Baxaan ama sii joogaan, weliba waxaa lagu hor ceebeeynaa
Caalamka iyo Somalida iyada oo la leeyahay: Iyagaa waqtigii loo baahnaa
ee sharciga ahaa ka aamusay.
Baarlamaaoow Mudada Gaaban ee idiin hartay waxaan idinka
Codsaneynaa, in aad Heshiiyadaa aad ka hor tagtaan inta aan waqtigoodu
nagu dhicin. Haddii aad gafkaa iyo Dambigaa qaadatiina Ummaddu waa idin
kula Xisaabtamee ,Aakhira masuuliyadaa waxbaa la idika weydiinayaa.
Walba Ceeboowdeene hanagu soo Noqonina si Baarlamaanka idinka Dambeeyo
uu Hoowshiisa uga bilaabo Arrintaan inta aan waqtigu dhicin.
Ha Cabsan. " Waxaad dhehee, waxaad Dhunxee, intaadan dhalan ey dhigneed”
GF: Arragtidaa waxaa ila qabo Aqoonyahano Badan oo uu ka
mid yahay Prof. Osman Mohamed oo ( Qurba jooga ah), waxaan Rajeeynayaa
Adiguna in aad nala qabtid. Wixii aan ka khalday ka sax, wixii ka
dhimanna ku dar.
Mahadsanid
Qore: Yahya Amir
Khatar Cadiim, Fadllan Akhri oo Fekerkaaga ka dhiibo, waa muhim!!!.
Maalmahaan Baarlamaanku waxa uu ku Mashquulsan yahay, Ansixinta Sharciyo laga Mudan yahay, waxa uuna ka maagayaa in uu ka doodo Miinada naloo aasay ee ku xiran Saacad ah 2-3 Sanno, Taa oo aan Dalka qeyba ka mid ah iyo Qaran nimadeena ku wey karno.