Daawo Sawirada: Saraakiil Booliska ka tirsan oo ku geeriyooday Qaraxa Baabuur ee Muqdisho ka dhacay

Visits: 565
(Rating 0.0/5 Stars) Total Votes: 0
0 0
Share via Social Media

Daawo Sawirada: Saraakiil Booliska ka tirsan oo ku geeriyooday Qaraxa Baabuur ee Muqdisho ka dhacay

Warar dheeraad ah ayaa waxa ay ka soo baxayaan Khasaaraha ka dhashay Qarax loo adeegsaday Gaari oo saaka aroortii ka dhacay afaafka hore ee xarunta Gaadiidka Booliska Somaliyed ee loo yaqaan (Xero Gaadiid).

Share

Warar dheeraad ah ayaa waxa ay ka soo baxayaan Khasaaraha ka dhashay Qarax loo adeegsaday Gaari oo saaka aroortii ka dhacay afaafka hore ee xarunta Gaadiidka Booliska Somaliyed ee loo yaqaan (Xero Gaadiid).

Qaraxan ayaa wuxuu ka dhacay afaafka hore ee xarunta Gaadiidka Ciidanka Booliska Somaliyed, gaar ahaan goob maqaayad ah oo ay fadhiyeen Saraakiil ciidamada Booliska ka tirsan oo shaah halkaasi ku cabaayay.

Taliyaha Qaybta Booliska Gobolka Banaadir Cali Xersi Barre (Cali Gaab) ayaa sheegay ujeedka Qaraxa inuu ahaa in lagu beegsado Xarunta Xero gaadiid, balse ay u suurageli weyday arintaasi.

"Waxa ay rabeen in ay gaariga ku dhuftan Albabka hore ee Xerada laakiin intii uusan soo leexan ayuu gaariga qarxay, ninkii waday waa kaa gaariga dhinac yaalla hadda sadax sargaal ayaa ku dhimatay dad kale oo maqaayadda fadhiyayna dhaawacyo kala duwan ayaa soo gaaray”Sidaasi waxaa Yiri Gen Cali Xirsi Barre

Saraakiisha qaraxa ku geeriyooday ayaa waxaa la sheegayaa inay kala yihiin Taliyihii ciidanka Booliska Suuqa Bakaaraha oo magaciisa lagu soo koobay Qalcadde, Taliye ku xigeenkii Saldhiga Booliska Howlwadaag iyo Taliyihii ciidanka Booliska Heliwaa.