"Dowladda marar badan ayay cafis u fidisay, waxaa shaki ku jirin inaan Milateri ahaan wax lagu xalin karin, waa in fikir loo isticmaalaa, in dhalinyarada lala hadlo oo la dhiira geliyo la fahamsiiyo culeysyada dalka ka jira, dhibaatooyinka ay ku hayaan, inay la dagaalamayaan dad Somali muslimiin ah, in la fahamsiiyo, waxaa qabaa dhalinyarada la marin habaabiyay wada hadal dhab lala galo la fahamsiiyo Somalinimada iyo Wadaniyada, kuwooda madaxda sare lala hadlo oo dowladda dhankeeda yimaadaan waa muhiim, sida Sheekh Atam oo kale muddo badan lala waday wada hadal, waana laga mira dhaliyay wada hadalkaas.”Ayuu sii raaciyay hadalkiisa Wasiirkii hore ee Warfaafinta Mustaf Sheekh Calu Dhuxulow.

Mustaf Dhuxulow, wuxuu kaloo ka hadlay sababaha ku aadan in qaar ka tirsan Shabaabka la cafiyo, halka qaar kalena la xukumo.

"Kii isagoo miino dhigaya ama dagaalamaya la qabto iyo midka si mutadawacnimada isku soo dhiibaya waa kala duwan tahay, sababaha cafiska loo dhiibaya waa inay dhalinyarada ka faa’ideystaan, maxaa yeelay kuwa go’aansaday inay Shabaabka ka soo tagaan, ee Dowladda iyo shacabkooda ku soo biiraan oo dambiyadooda qirtaan waa in la soo dhaweeyaa, waxay dhiira gelineysaa inay kuwa kale soo raacaan, waana mid aad iyo aad loogu baahan yahay in la sii xoojiyo, waa in mar walba Shabaabka loogu baaqo in falka xun ee joogtada ay ku jiraan ka soo baxaan” Ayuu yiri Xildhibaan Mustaf Dhuxulow.

Dowladda Somaliya ayaa inta badan waxa ay cafisaa Madaxda sare ee ka tirsan Shabaab ee isku soo dhiiba Dowladda Federalka Somaliya, sida Sheekh Atam, Madaxii Sirdoonka Shabaab Zakariye iyo Masuuliyiin kale oo horay ay Dowladda u cafisay, halka dhalinyarada yar yar ee Shabaabka ka tirsan Dowladda xukuno kala duwan ay ku rido.