Agaasimaha Kooxda Barcelona ee Eric Abidal ayaa beeniyay wararkii kooxda Barcelona la xidhiidhinayay xiddiga dhawaan ku biiray kooxda Man United ee Bruno Fernandes. Maalmihii ugu dambeeyay suuqa Jnauary ayay soo bexeen warar Barcelona la xidhiidhinayay saxiixa xiddigii hore ee Sporting Lisbon ee Fernandes. Xiddiga reer Portugal ayaa ugu dambayn ku biiray kooxda Man United isaga oo qalinka ku duugay heshiis 5 sano iyo badh ah. Inkasta oo ay jiraan wararka Kubad sameeyaha la xidhiidhinayay kooxda Barcelona hadana Abidal ayaa sheegay in ayna Barcelona marna wax xiiso ah u muujin xiddiga khadka dhexe. Isaga oo la hadlaya wargayska Sport ayaa yidhi"Waa xiddig cajiib ah laakiin wakiilada ayaa qabsada shaqadooda, marna umaanu baahnayn saxiixiisa, kaliya wakiilada ayaa wax walba u samaynaya si ay xiddigohooda u iibiyaan laakiin wax xiiso ah umaanu qabin".