Warka ayaa lagu yiri "Ciidanka Xoogga Dalka Soomaaliyeed oo kaashanaya saaxiibada Mareykanka ayaa maanta oo ay taariikhdu tahay 16 January duqayn cirka ah ka fuliyay deegaan 25km dhanka waqooyi kaga beegan Deegaanka Kuunyo Barrow ee Gobolka Shabellaha hoose, halkaas oo ay ciidanku ku dileen laba ka tirsan argagixisada Al Shabaab.”

Waxa kaloo lagu sheegay "War ka soo baxay Saraakiisha Ciidanka Xoogga Dalka Soomaaliyeed ayaa lagu sheegay in bartilmaameedku ahaa horjooge-yaal cadawga ka tirsan, isla-markaana intii hawlgalkaasi socday aan wax khasaare ahi ka soo gaarin dadka shacabka ah.”

Shabaabka ka dagaalama Gobolka Shabellaha Hoose ayaa waxaa toddobadyadii la soo dhaafay ku socday dagaalka dhul iyo cirba leh, taasoo waxyeelo kala duwan lagu gaarsiiyay.

Ciidanka Kumaandooska Danab ayaa door muuqdo ku leh gulufka militari ee lagu hayo Shabaabka hubeysan ee dagaalka kula jira Dowladda Federaalka, Maamul Goboleedyada iyo Taliska Ciidanka Midowga Afrika.