Guddoomiyaha gobolka Banaadir ahna duqa Caasimadda Muqdisho Cumar Maxamud Maxamed (Cumar Filish) ayaa Maanta xariga ka jaray dhismaha xarunta Degmada Howl-Wadaag oo dib u dhis Casri ah lagu sameeyay. Xaruntaan ayaa 2-dii Bishii September ee sanadkii tegay ee 2019 waxaa Al-Shabaab ay ku burburiyeen gaari laga suu buuxiyey waxyaabaha qarxa,kaas oo lagu dhuftay dhismaha Xarunta degmada Warta-Nabada. Gudoomiyaha Gobolka Gobolka Banaadir Maxamud Maxamed (Cumar Filish) ayaa sheegay in Maamulka gobolka Banaadir oo kaashanaya Shacabka ay ka go'an tahay dhismaha Xarumaha ku burburey dagaaladii ka dhacay dalka. Waxaa uu ugu baaqay Shacabka ku nool Caasimadda Soomaaliya ee Muqdisho inay Dowladda Federaalka iyo Ciidamada kala Sahqeeyaan sugida Amniga si magaalada Muqdisho u noqoto mid amni ah.