Isbedelka cilimmada ayaa ka mid yahay Qodobbada la doonayo in Sannadkan si aad ah ay uga doodaan hoggaamiyeyaasha caalamka, iyadoo la qorsheynayo in go’aan mideysan laga gaaro.

Sidoo kale, Waxaa Shirka Sannadkan looga hadli doonaa 169 Ajande, waxaana ka mid ah Ajandayaasha laga hadlayo sidii Caalamka oo dhan looga Cirib-tiri lahaa faqriga, xoojinta xasilloonida caalamka iyo sidoo loo horumarin lahaa waxbarashada caalamka 15-ka sano ee soo socoda.

Xoghayaha Guud ee Qaramada Midoobay, Ban Ki Moon ayaa Kulankaan ka jeedin doona Warbixintii Sannadlaha ah ee Wax-qabadka Golaha, iyadoo shirwenaha sannadkan uu shir-guddoomin doono, Mogens Lykketoft oo u Dhashay Dalka Denmark, wuxuuna ka jeediyay shirka Khudbaddii Furitaanka.

Hogaamiyeyaasha Maanta ka Hadli doono Shirka Waxaa ka mid ah; Madaxweynayaasha Ruushka, Mareykanka, Brazil, Farasiinka iyo kuwo kale, iyagoo ka hadli doona Qorshaha Horumarka Qaramada Midoobay ee Sannadka 2030-ka iyo weliba arrimo ay ka mid yihiin Argagaxisada iyo dagaallada ka socda dalal ka mid ah kuwa caalamka.

Dhanka kale, Xubnaha ka hadli doona shirka ayaa waxaa ka mid ah; Madaxweynaha DFS Xasan Sh. Maxamuud, Madaxweynaha Dalka Uganda, Yoweri Museveni iyo Madax kale oo Caalamka ka socda.

Ugu dambeyn, Shirweynaha Guud ee Qaramada Midoobay oo hadda socda ayaa waxaa ka hadlay Madaxweynaha Mareykanka Barack Obama oo khudbadii uu jeediyaykusoo qaatay colaadaha ka taagan caalamka, sida dagaalka Suuriya. Isagoo xusay in dalkiisu uu sii wadi doono la dagaalanka kooxaha Argagaxisada ah.