Intaas kaddib ayaa waxaa isla shalay damiin lagu sii daayay Maryan Khaliif Abuu oo la dhalatay Xildhibaan Muna Kay, waxaana saakay Xildhibaanadda iyo walaasheed oo ka dhoofayay Muqdisho, kuna sii jeeday Baydhabo laga qabtay Garoonka Muqdisho, iyadoo xabsi loo taxaabay Maryan Khaliif Abuu, maadaama damaanad lagu sii daayay.

Dagaalka gacan ka hadalka ayaa dhex maray labada Xildhibaan oo kala ah Muna Kay iyo Luul Cabdi Aadan, kaddib markii uu dhamaaday fadhigii Baarlamaanka ee muranka badan hareeyay ee lagu ansixiyay Xeerka Maamulka Bangiga Dhexe.

Sheekada ku saabsan dagaalka labada Xildhibaan ayaa qabsaday baraha bulshada, waxaana dad badan ku jahwareereen sida wax u dhaceen, maadaama Xildhibaan Muna Kay ay ku doodeysay in awood loo adeegsaday walaasheed la xiray, kaddib markii ay diiday xeerkii bangiga Dhexe, sidaas walaasheed lagu xiray, markii Xildhibaano haween ah ay isku dagaaleen banaanka Xarunta Baarlamaanka, walaasheed ay u timid inay kala dhex gasho.