Qaar kamid ah xildhibaanada oo si hoose ula hadlay Warbaahinta Kulmiye ayaa waxaa ay sheegay in ay cabsi ka qabaan in la soo weeraro,waxaana ay tilmaameen in ay isaga baxeen hotelo qaar ah oo ay ka daganayeen magaalada Kismaayo Ee jubba Hoose iyagoona intaasi sii raaciyey in loo caga jugleeye.

Sidoo kale xildhibaanada waxaa ay sheegayaan in baarlamanka jubbaland uu u afduuban yahay  Madaxweynaha Maamulkaas Axmed Maxamed islam Axmed (Madoobe) iyo Guddomiyaha baarlamanka oo ay tilmaameen in iyaga waxa aysan rabi uusan baalamanka ka hadli Karin.

Maxamed Daa’uud Cumar waa xildhibaan ka tirsan baarlamanka Jubbaland oo Wareysi uu siiyay idaacada Kulmiye Ee Magaalada Muqdisho dhinaca kale waxaa uu tilmaamay in sidoo kale arimaha khilaafka ka jira uu qeyb ka yahay qodob dastuura ah oo uu sheegay in la doonayo in labadalo.

Dhinaca kale wararka aan ka heleeno Degmooyin ay kamid tahay Baardheere ee Gobolka Gado ayaa waxaa ay tilmaamayaan in Maamulka jubbaland uu bandow ku soo rogay dagmooyin ka tirsan gobolkaas,oo la sheegay in laga qorsheenaye Go’aan ka dhan Maamulka jubbaland.