Madaxa waaxda horumarinta Caalamiga ah ee UK Christian Rogg ayaa kulan la qaatay Madaxweynaha cusub ee dowlad degaanka Mustafa Maxamed Cumar.

Safaaradda UK ee Adis ababa ayaa sheegtay in kulankaas uu Christian Rogg uga faa’ideystay in uu beeniyo warbixinno been abuur ah oo lagu sheegay in UK ay 2013kii dhaqaale badan ku bixisay Ciidanka Luyuu Booliska.

Wargeyska The Guardian ee ka soo baxa Dalka Ingiriiska ayaa qoray in Dowladda Ingiriiska ay sanadkii 2013kii ku bixisay Ciidanka Liyuu Boolis lacag u dhaxeysa £13m–15m oo lacagta Ingiriiska ah,taas oo ku baxday tababarka Ciidanka qeybna ka ahayd qorshe shan Sano ahaa.

Warbixin uu xafiiska soo saaray sanadkii la soo dhaafay ayuu ku sheegay in uu jiray qorshaha xaqiijinta iyo taageeridda amniga Gobolka laakiin aan la fulinin oo uu hakad galay.

Madaxweynah Dowlad Degaanka Mustafa Maxamed iyo Christian Rogg ayaa kulankooda uga hadlay sidii dowladda Ingiriiska u taageeri lahayd qorshaha dib u habeynta amaanka iyo arrimaha bulshada ee dowlad degaanka Soomaalida.