Ciidanka ammaanka oo toogasho ka geystay Baydhabo
Dhacdadan ayaa ka dambeysay kadib markii ciidan hubeysan gurigiisa ugu tageen nin ay ka shakiyeen, kadibna ay ku amreen inuu u raaco saldhigga Booliska, balse ninkaasi ayaa ka biyo diiday oo amar adeeg sameeyay.
Cidankii ayaa intaasi kadib wacday gawaari ciidan oo isku dayay in ay xoog ku soo kaxeeyaan ninkan oo garab ka caawimaad ah ka helay qoyskiisa iyo dadka deriska ah.
"Walaalow halmar ayaa xaafada waxaa yimid ciidan, waxayna galeen guri deriskeena ah, waxaa joogay guriga nin oo ay ku amreen inuu raaco, si ay baaritaan ugu soo sameeyaan, maadaama ay ka shakiyeen, wuuna diiday, reerkiisa iyo deriska ayaa ciidanka la dagaalamay oo gacan ka hadal bilaabay, ciidamada iyaguna waxay fureen rasaas, halkaasi waxaa ku dhintay ninka ay ciidamada doonayeen, sidoo kale waxaa dhaawacmay Hooyada guriga iyo qof kale oo deriska ah.” Ayuu yiri qof u waramay Idaacadda Risaala oo dadka degaanka ka mid ah.
Ciidamada ayaa goor dambe oo xalay ah ka soo tagay gurigaasi, dhacdadan ayaa waxaa si aad ah u hadal haya dadka deegaanka, oo la yaaban sida ay wax u dhaceen.
Maamulka degmada Baydhabo iyo saraakiil ciidan ayaa ku baxay falkan waxayna baaritaan ku sameynayaan sida ay wax u dhaceen, xiriir aan la sameynay waxay inoo sheegeen in ay dib ka bixin doonaan faah faahinta la xiriirta dhacdadan.
Ciidanka ammaanka oo toogasho ka geystay Baydhabo
Ciidamada Booliska maamulka Koonfur Galbeed gaar ahaan kuwa ammaanka ayaa xalay fiidkii waxa ay xaafadda Silliga ee magaaladaasi ku toogteen nin ay wada murmeen, sida ay inoo xaqiijiyeen saraakiil ammaanka qaabilsan.