Madaxweynaha Somaliland oo cafis Madaxweyne ku sii daayay Boqor Buur madow
Madaxweynaha Somaliland Muuse Biixi ayaa la sheegay in Cafis Madaxweyne maanta uu ku sii daayay Boqor Cismaan Aw- Maxamuud Buur Madow oo Somaliland horay ugu xukuntay xabsi saddex sano ah.
Qaar ka mid ah ehelada Boqor Buur Madow, ayaa u xaqiijiyay Warbaahinta gudaha Somaliland ka hawlgasha in Cafis Madaxweyne lagu sii daayay Boqor Buur madow.
Madaxweynaha Somaliland Muuse Biixi, ayaa dhawaan la filayaa inuu socdaal ku tago Gobolada Bariga Somaliland, sida masuuliyiin ka tirsan Somaliland ay xaqiijiyeen.
Horay ayaa Boqor Buur Madow loogu xukumay Shan sano oo Xabsi ah, balse Garsoorka Somaliland ayaa xukunkii ka qafiifay, markii maxkamadda mar kale la horgeeyay.
Ehelada Boqor Buur Madow ayaa soo dhaweeyay tallaabada xabsiga looga sii daayay ee Madaxweyne Muuse Biixi cafiska uu ugu fidiyay.
Madaxweynaha Somaliland ayaa horay cafis ugu fidiyay Abwaan Naciimo Qorane oo ah gabar Baraha Bulshada wax ku qorta.
Madaxweynaha Somaliland oo cafis Madaxweyne ku sii daayay Boqor Buur madow
Madaxweynaha Somaliland Muuse Biixi ayaa la sheegay in Cafis Madaxweyne maanta uu ku sii daayay Boqor Cismaan Aw- Maxamuud Buur Madow oo Somaliland horay ugu xukuntay xabsi saddex sano ah.