Gudoomiye ku xigeenka Labaad ee Golaha Shacabka Mahad Cabdalla Cawad ayaa loo diiday in uu galo garoonka Diyaaradaha Aadan cadde ee Magaalada Muqdisho.

Ciidamo ka tirsan howlgalka Midowga Afrika ee AMISOM ayaa u diiday in uu garoonka ka dhaafo Guddoomiye Cawad iyo Wafdigiisa oo dalka dibadiisa u socday.

Waxaa uu sheegay in uu ka baaqday Safar uu socday ka dib markii loo diiday in uu garoonka ka dhaafo.

Sidoo kale Gudoomiyaha Aqalka Sare iyo ku xigeenkiisa Koowaad Saacaddo badan lagu xanibay garoonka Aadan Cadde.

Ciidamada AMISOM Waxa ay sheegeen in saddex Mas’uul kaliya loo ogol yahay in ay garoonka la galaan ciidamo.