Cayaaraha HIRDA AFT 2015 oo lagu soo gaba-gabeeyay Amsterdam (SAWIRRO)
Waxaa Magaalada Amsterdam ee dalka Netherlands lagu soo gaba-gabeeyay Cayaaraha Soomaalida ee HIRDA Amsterdam Futsal Tournament, kaasi oo sanadkiiba mar lagu qabto dalka Holland, iyadoona sanadkaan
lagu xusayo 11-sano guurada kasoo wareegatay xilligii la aas-aasay
qabashada Cayaaraha HIRDA AFT, waxaana Tartanka AFT sanadkaan ka qeyb
galay 24-kooxood oo kubada cagta ah, kuwaasi oo kala socday wadamada
Netherlands, Norwey, Finland, Ireland, France, Britian, iyo
Switzerlands.
Cayaarahaan ayaa waxaa kasoo qeyb galay marti sharaf ay ka mid
ahaayeen; Ra’iisul Wasaarihii hore ee Dowlada Federalka Soomaaliya,
Cabdiweli Sheekh Axmed Maxamed, Danjiraha Dowlada Soomaaliya u fadhiya
Wadamada Benulex iyo EU-da, Dr. Cali Saciid Faqi, Duqii hore ee
Magaalada Muqdisho, Maxamuud Axmed Nuur Tarsan, Khabiir Isboorti Axmed
Sheel, soo saaraha Barnaamijka FAGAARAHA Sadiiq Warfaa, Rug-cadaaga
Saxaafadeed Cabdisalaan Ibraahim Hareri, Qaar ka mid ah Cayaartoydii
hore ee Soomaaliya, Fanaanka Cabdi Baadil Ibraahim, iyo dad kale oo
Magac ku dhex leh Bulshada dhexdooda.
Agaasimaha Guud ee Hey’adda HIRDA Drs. Faadumo Faarax oo ka hor
inta aan lasoo gaba-gabeynin cayaaraha halkaasi ka hadashay ayaa u
mahad-celisay dhamaan Kooxihii, Madaxdii iyo Marti sharaftii kasoo
qeyb-gashay Cayaaraha HIRDA AFT 2015, iyadoona sidoo kale u mahadcelisay
Ambassador-kii hore ee Cayaaraha HIRDA, Magan Tahir, waxa ayna halkaasi
kaga dhawaaqday in Ambassador-ka cusub ee Cayaaraha HIRDA loo doortay,
Cayaaryahankii hore ee Xulka Qaranka dalka Soomaaliya iyo Kooxdii
Horseed, Maxamed Ismaaciil (Sitee).
24-kooxood ee ka qeyb galayay cayaarahaan ayaa soo bandhigay cayaar
wanaag aad u qiimo badan taasi oo soo jiidatay dadweynihii usoo
daawasho tagay cayaaraha, kuwaasi oo isaga kala yimid magaalooyinka kala
gedisan ee dalka Netherlands, iyo wadamada dariska la ah dalka Holland,
waxaana ugu danbeyn finalka Cayaaraha HIRDA AFT 2015, fooda isu daray
Kooxaha Manchester iyo Denhaag.
Kooxda Manchester ee ka socotay dalka Britian ayaa 4-3, ugu awood
sheegatay kooxda Denhaag ee ka dhisan dalka Holland, waxaana koobka
sanadkaan la guddoonsiiyay Macalinka Kooxda Manchester Cabdilatiif Islow
(Foora-Gacan) iyadoona Koobka uu guddoonsiiyay Ra’iisul Wasaarihii hore
ee Soomaaliya, Mudane Cabdiweli Sheekh Axmed Maxamed. Waxaa sidoo kale
koobka kaalinta labaad la guddoonsiiyay Kooxda Denhaag, waxaana la
abaalmariyay cayaaryahankii ugu gool dhalinta badnaa, Gool-hayihii ugu
wanaagsanaa, Macalinka sanadkaan, Laacibka sanadka iyo howlwadeenadii
gacanta ka geysatay hambsi u socoda Cayaaraha HIRDA AFT 2015.
Salah Hassan Omer (Salah Dheere)
Amsterdam – Netherlands
salah@hirda.org
xigasho:-somaliweyn.com
xigasho:-somaliweyn.com
Cayaaraha HIRDA AFT 2015 oo lagu soo gaba-gabeeyay Amsterdam (SAWIRRO)
Waxaa Magaalada Amsterdam ee dalka Netherlands lagu soo gaba-gabeeyay Cayaaraha Soomaalida ee HIRDA Amsterdam Futsal Tournament, kaasi oo sanadkiiba mar lagu qabto dalka Holland,