Luis Suarez Oo Ka Hadlay Wararka La Xiriirinaya Griezmann kooxda Barcelona
Antoine Griezmann ayaa lala xiriirinayay inuu ku biiri doono kooxda kubadda cagta ee Barcelona, waxaana Luis Suarez uu rajjo fiican ka muujiyay inuu ciyaaryahankaan noqdo laacib ka tirsan Barca.
Weeraryahanka Barcelona Luis Suarez ayaa tibaaxay in ciyaaryahanka reer France uu kusoo biiri doono kooxda La Liga ku guuleysatay, sidoo kale waxa uu carrabka ku dhuftay inay aad usoo dhoweyn doonaan Antoine Griezmann.
Griezmann heshiiska uu kula jiro Atletico waxa uu ku egyahay 2022, Luis Suarez ayaana si kalsooni leh u shaaciyay in faransiiskan uu kusoo biiri doono Barcelona.
"Waa wax kooxda u fiican in lagu soo biiro ciyaartoy tayo sare leh,sida Antoine, Dembele iyo Coutinho” ayuu u sheegay raadiyaha Rincon lagu magacaabo.
Waxa uuna raaciyay " waa ciyaaryahan wax badan soo kordhin kara, dhowr sano ayuu ku ciyaarayay heer sare, waxa uu hooggaamiyaa weerarka Atletico taas ayaana aas-aas ah”.
"Waan soo dhoweyn doonnaa” ayuu kusoo qatimay hadalkiisa Luis Suarez.
Kooxda kubadda cagta ee Barcelona ayaa xilli ciyaareed qurux badan ku jirta maadaama ay gacanta ku dhigtay La Liga iyo Copa Del Rey, inkastoo ay tartanka Uefa Champions League-ga ku hareen wareegga Rubac dhammaadka.
Luis Suarez Oo Ka Hadlay Wararka La Xiriirinaya Griezmann kooxda Barcelona
Antoine Griezmann ayaa lala xiriirinayay inuu ku biiri doono kooxda kubadda cagta ee Barcelona, waxaana Luis Suarez uu rajjo fiican ka muujiyay inuu ciyaaryahankaan noqdo laacib ka tirsan Barca.