South Afrika oo Deeq lacageed ku wareejisay Dowladda Soomaaliya
Dowladda South Afrika ayaa Dowladda Federaalka Soomaaliya waxay ugu deeqday lacag dhan 500,000$, kadib Munaasabad kooban oo ka dhacday Magaalada Muqdisho.
Wasiir Kuxigeenka Wasaaradda Gargaarka iyo Maareynta Masiibooyinka Xukuumadda Soomaaliya Cilmi Cumer Ceynsane oo gudoomay Deeqdan ayaa ka mahadceliyay taageerada South Afrika.
"Waxaan guddoonay Deeq ka timid Dowladda South Afrika, taasoo dhan 500,000 oo loogu tala galay dadka Abaartu saameysay, lacagtaas waxay noqon doontaa mid gargaar loogu sameeyo dadka tabaaleysan, lacagtan waxaa la soo mariyay WFP, waxaan uga mahadcelinaynaa Dowladda South Afrika deeqdan ay ina soo gaarsiisay.” Ayuu yiri Wasiir Ceynsane.
Weli waxaa dalka ka jira Abaaro aad u daran, kuwaasi oo saameyn dareen leh ku reebay dadka ka soo barakacay gobolada dalka ee badbaadada u soo raadsaday magaalooyinka waa weyn ee dalka.
South Afrika oo Deeq lacageed ku wareejisay Dowladda Soomaaliya
Dowladda South Afrika ayaa Dowladda Federaalka Soomaaliya waxay ugu deeqday lacag dhan 500,000$, kadib Munaasabad kooban oo ka dhacday Magaalada Muqdisho.