Booliska magaalada ugu weyn dalka Canada ayaa markii hore laga soo xigtey in toban ruux ay falkan ku dhaawacmeen hase yeeshee markii dambe ayaa afhayeen u hadlay boolisku sheegay in aan la ogeyn tirada dhabta ah ee waxyeeladu soo gaartay iyo weliba heerka uu gaarsiisan yahay dhaawacoodu.Wakaalada wararka ee Reuters oo soo xiganaysay dad goobjoogayaal ah ayaa sheegtay in labo meyd ah lagu arkay goobta uu falkan ka dhacay.

Dalka Maraykanka iyo wadamo ku yaal qaarada Yurub ayaa weeraro waxyeelo geystey oo loo adeegsaday baabuur dad lagu jiirsiiyay ay ka dhaceen waxaana ka mid ah weerar ka dhacay bishii 31kii Oktoobar ee sanadkii hore magaalada New York halkaa oo ay ku dhinteen siddeed ruux tiro kalana ku dhaawacmeen.

Falkan ayaa ka dhacay meel u jirtay 30kms (18 miles) bartamaha magaalada Toronto halkaa oo ay wasiirada arrimaha dibbada wadamada horumaray ee toddobada ah ay ku kulmayeen. Wasiirada kulanka u dhexeeyay ayaa waxa ay ka kala socdeen dalalka Canada, the United States, Britain, France, Germany, Italy iyo Japan. Balse lama sheegin isbedel ku yimid dhinaca ammaanka hotelka uu shirkan ka dhacayay ee Intercontinental Hotel.

Dad la jiitsiiyay baabuur magaalada Toronto