Waa Kuwee Xiddigaha Premier League Ee Xalayto Ka Qeybgalay Arooska Frank Lampard? (Sawiro)
Asxaabtiisa hore ee Chelsea oo xilli ciyaareedkan xaalad xun ku jiray ayaa qaarkood is ilowsiiyay islamarkaana soo xaadiray arooska oo ka dhacay Knightsbridge ee bartamaha magaalada London.
Kabtanka Chelsea John Terry ayaa joogay iyo sidoo kale daafaca Chelsea Branislav Ivanovic iyo xaaskiisa Natasa.
Goolhayaha Arsenal ahna goolhayihii hore ee Chelsea Petr Cech ayaa sidoo kala joogay isaga iyo xaaskiisa Martina Cechova. Arsene Wenger ayaana rajeynaya inuu goolhayaha reer Czech xalayto xilli hore ka soo laabtay arooska madaama ay Gunners caawa wajaheyso Manchester City.
Lampard ina adeerkiis ka weyn Jamie Redknapp ayaa isna joogay isaga iyo xaaskiisa ahna heesaa hore Louise.
Tababarihii hore ee Tottenham iyo QPR Harry Redknapp ayaa isna sidoo kale joogay.
Raga kale ee caanka ah ee ka soo qeybgalay arooska waxaa ka mid ah Ant iyo Dec oo ah labo nin telefishinada Britain caan ka ah iyo weliba taageeraha weyn ee Arsenal Piers Morgan.
Waa Kuwee Xiddigaha Premier League Ee Xalayto Ka Qeybgalay Arooska Frank Lampard? (Sawiro)
Frank Lampard ayaa xalayto guursaday saaxiibtiisii mudada dheer Christine Bleakley iyadoo ay xafladiisa arooska ka soo qeybgaleen dadka caanka ah kubada cagta adduunka.