C/fataax Geesey "Shariif Xasan wuxuu ka shaqeynayaa inuu burburiyo Baarlamaanka 10aad"
0
Wednesday March 21, 2018 - 10:39:26 in Wararka by
- Visits: 317
-
- Share
Xildhibaan C/fataax Ibraahim Geesey oo ka mid ahaa Xildhibaanada difaacaya Guddoomiye Jawaari ayaa ku eedeeyay Madaxweynaha Koofur Galbeed Shariif Xasan inuu gadaal ka riixayo mooshinka.
C/fataax Geesey ayaa sheegay in raalli gelin ka bixinayaan Xildhibaano ka soo jeeda Koofur Galbeed oo ugu baaqay in Jawaari is casilo, isagoo xusay in Jawaari aanu aheyn Ugaas ama Suldaan, balse uu yahay Guddoomiyaha Golaha Shacabka oo la soo doortay.
"Waxaa nasiib darro ah in Xildhibaano qaar inay yiraahdaan is casil, waxaa ognahay in Jawaari uusan aheyn Ugaas iyo Suldaan, midna ee uu yahay Guddoomiyaha Golaha shacabka, umaddan ayaa dooratay”ayuu yiri C/fataax Geesey.
Mr Geesey ayaa ku eedeeyay Shariif Xasan inuu ka shaqeynayo in la burburiyo Baarlamaanka 10aad, si la mid ah baarlamanadii hore oo uu u kala qeybiyay labo garab, xilligii Baydhabo iyo markii uu Asmara aaday ee uu la baxay Baarlamaanka xorta ah.
Kulamada iska soo horjeeda ee Xildhibaanada labada dhinac ayaa noqday mid aan kala go’ laheyn, waxaana Xildhibaanada ka soo horjeeda Jawaari ay ku cadaadinayana inuu is casilo, halka kuwa kalena ay difaacayaan.
Facebook
Twitter
Youtube
Google+
RSS Feed
C/fataax Geesey "Shariif Xasan wuxuu ka shaqeynayaa inuu burburiyo Baarlamaanka 10aad"
Xildhibaan C/fataax Ibraahim Geesey oo ka mid ahaa Xildhibaanada difaacaya Guddoomiye Jawaari ayaa ku eedeeyay Madaxweynaha Koofur Galbeed Shariif Xasan inuu gadaal ka riixayo mooshinka.