"Ururka Al-Shabaab ayaa nagu amray in aan bixino lacag canshuur ah maamulka gobolka Sh/dhexe waxa uu naga qaadaa canshuur, marka waan awoodi weynay inaan labada canshuurba bixino.”ayuu yiri mid kamid ah ganacsatada magaalada Jowhar oo la hadlayay shabakadajowhar.com.

Sidoo kale Dhowaan ayaa qaar ka mid ah ganacsatada magaalada Jowhar looga yeeray degmada Gamboole oo ah magaalo ay gacanta ku hayaan Al-Shabaab, hase yeeshee maamulka gobolka Sh/dhexe ayaa ka joojiyay ganacsatada inay u safraan Gamboole, iyadoo markii dambe xabsiga loo taxaabay.

Sidoo kale guddiga gaadiidka xamuulka ee magaalada Jowhar ayaa looga yeeray degmada Gamboole, halkaa oo lagu soo siiyay amar ah in baabuur walba uu bixiyo lacag Canshuur ah, marka uu soo galayo magaalada Jowhar ama uu ka baxayaba.

Gaadiidka xamuulka ee magaalada Jowharayaa bilaabay inay joojiyaan qaadista badeecadaha magaalada Jowhar.

Ganacsatada magaalada Jowhar ayaa waxaa ay ku wargeliyeen amaradan lagu soo rogay maamulka gobolka Sh/dhexe iyo kan Hirshabelle, si wax loogaga qabto hase yeeshee ganacsatada ayaan wax jawaab ah la siin.

Gaadiidleyda iyo ganacsatada magaalada Jowhar ayaa cabsi ka qaba in hantidooda ay halis gasho, maadaama ammaanka wadada isku xirta magaalada Jowhar iyo Muqdisho aysan wanaagsanayn oo dhowr jeer ay dagaalyahano ka tirsan Al-Shabaab ay soo galeen, gaadiid sahay u siday AMISOM ku gubaan.

Xaalada ka jirta magaalada Jowhar ayaa mid qarka u saaran go’doon dhanka badeecadaha uga yimaada Muqdisho, iyadoo ganacsatada hadii ay la macaamili lahaayeen Al-Shabaab uu maamulka Hirshabeelle ugu hanjabay in xabsi ay muteysaneyso, laguna qaadayo dambi la mid ah midka Shabaab.

XIGASHO:-JOWHAR.COM