Maanta waxa ay maalin gaar ah u tahay laacibka kooxda Inter Milan ee Mauro Icardi, iyadoo maanta ay ku beegan tahay maalintii uu dunida ku soo biiray.

Weeraryahankan Icardi ayaa dhashay maanta oo kale 19-ka bishii Febraayo ee sanadkii 1993-kii, isagoo maanta 25-sano jirsaday.

Mauro Icardi waxa uu ku dhashay magaalada Rosario ee dalka Argentina, waxaana uu weerarka uga dheelaa naadiga Inter Milan ee dalka Talyaaniga.

Tan iyo xilli ciyaareedkii 2013/14 waxa uu Icardi gacan ka geystay 110 gool 147 kulan oo uu u saftay kooxda Inter Milan, waxaana uu dhaliyey 89 gool tan iyo markaas horyaalka isagoo caawiyey 21 gool oo kale.