Madaxweynaha Soomaaliya Maxamed C/llaahi Farmaajo ayaa maanta si weyn loogu soo dhoweeyay magaalada Qardha, halkaasoo uu maanta ku tagay safar dhanka lugta ah, waxaa Madaxweynaha wehliyay Madaxweynaha Puntland C/wali Gaas iyo mas'uuliyiin kale

Madaxweyne Farmaajo ayaa hab maamuus dhaqan heerkeedu sareysay loo sameeyay, iyadoo Boqor Beelaha Daarood, Boqor Burhaan ayaa guddoonsiiyay biladm shaal, koofiyad iyo faras, taas oo ah maamuus dhaqan.

Kumanaan dadweyne ayaa ka qeyb qaatay soo dhoweynta Madaxweyne Farmaajo, waxaana ay taagnaayeen waddooyinka, iyadoo Madaxweynuhu uu dadka dhex galay, isla markaana qaarkood gacan qaaday.

Madaxweyne Farmaajo ayaa shacabka reer Qardho kula hadlay Madaxtooyada Qardho, waxaana uu uga mahad celiyay sidii loo soo dhoweeyay.

Safarka Qardho ayaa ah lugta labaad ee Madaxweyne Farmaajo, waxaana lagu wadaa inuu u gudbo magaalada Boosaaso.