Tottenham Hotspur ayaa heshiis la gaartay daafaca Paris Saint Germain Serge Aurier oo 24-jir ah kaas oo bartilmaameed u ah Man United. (L’Equipe)

Chelsea ayaa dooneysa iney 50 Malyan oo Pound ugu dhaqaaqdo soo xerogalinta daafaca bidix ee Tottenham Hotspur Danny Rose kaas oo 27-jir ah, kadib markii uu ka carooday in kooxda ku dhaleeceysay arimaha suuqa iyo mushaarka uu ka hadlay. (The Sun)

Chelsea ayaa qaaday talaabadii ugu dambeysay oo ay ku dooneysay daafaca bidix ee Juventus Alex Sandro kaas oo 26-jir ah balse waa laga soo diiday. (Daily Mail)

Tottenham Hotspur ayaa ku dhaw iney dhameystirto saxiixa daafaca Ajax Davinson Sanchez oo 21-jir ah iyadoo dalab hordhac ah oo dhan 27 Malyan oo Pound ka gudbisay. (Mirror)

Sidoo kale Chelsea ayaa u weecatay daafaca midig ee Southampton Cedric Soarez kaas oo 25-jir ah kadib markii ay ku fashilmeen Joao Cancelo. (Telegraph)

Arsene Wenger ayaa kalsooni ku qaba iney diidi doonaan dalab walba oo laga soo gudbiyo Ozil, Chamberlain & Alexis Sanchez xilli ay galeen 12-kii bilood ee ugu dambeysay. (Goal)

Daafaca Manchester City Eliaquim Mangala oo 26-jir ah ayaa loo ogolaan doonaa inuu ku biiro Inter Milan hadii kooxda reer talyaani ay bixiso aduun dhan 24 Malyan oo Pound. (Express).

Liverpool ayaa dooneysa xidiga Barcelona Ivan Rakitic kaas oo 29-jir ah in laga qeyb galiyo heshiiska ay kooxdaas ku dooneyso Philippe Coutinho. (Diario Gol)

Chelsea ayaa mar kale isku dayi doonta iney lasoo saxiixato weeraryahanka reer talyaani Andrea Belotti si uu badal ugu noqdo Diego Costa. (Daily Star).

Juventus ayaa dooneysa iney lasoo saxiixato xidiga khadka dhexe Manchester United Marouane Fellaini kaas oo 29-jir ah. (The Sun)