Waxa uu sheegay Ra’iisul Wasaaraha Soomaaliya maanta in ay bilaabatay in Magaalada Muqdisho ee caasimadda Soomaaliya laga aruuriyo Qoryaha waa weyn, si ammaanka loo xaqiijiyo, shacabkana aysan u dareemin qalqal.

Sidoo kale Ra’iisul Wasaaraha waxa uu sheegayQof walba oo Dowladda u shaqeeya bishii Janaayo ilaa April in uu helay mushaarkii uu xaqa u lahaa, hadii uusan helina ay hada u soo socoto.

Xasan Cali Khayre (Xasan Bile)Ra’iisul Wasaaraha Dowladda Federaalka Soomaaliya ayaa dhanka kale sheegay Dowlada in ay soo xirtay Rag si sharci daro ah canshuur uga qaadayay Ganacsatada suuqa Bakaaraha.

Mudane Khayre ayaa sheegay maalinta berri ah in uu booqasho ku tagi doono Degaanka Bali-doogle ee Gobolka Shabeelaha Hoose, si uu dhiiragelin ugu sameeyo Ciidamada halkaasi ku sugan.