Arrintan ayaa imaanaya, iyadoo BBC-da iyo Somaliland ay gaareen is fahan ku saabsan arrimo soo kale dhex gelay oo hakad geliyay howlaha BBCda ee xafiiska Hargeysa,
Balse khilaafkan cusub ee dhaliyay eray-bixintaan ayaa keeni kara in mar kale ay xiisaddu iska isku shareerto.
Xeerka cusub ee tifaftirka BBC-da ayaa bisha May lagu kordhiyay erey-bixinta cusub ee "self-declared republic of Somaliland” oo lagu turjumay afafka ay BBC-da ku hadasho, iyada oo la hergeliyay isla bishaas markii la faafiyay.
Bishii March ee sanadkan ayay aheyd markii wafdi ka socda BBC-da oo ay hoggaamineysay Caroline Karubi ay tageen Hargeysa, iyagoo Maamulka Somaliland ka qanciyay cabasho ay u soo jeedisay BBC-da.
Wasiirka Warfaafinta Somaliland Cismaan Saxardiid Caddaani ayaa dhowaan ku eedeeyay laanta Afka Soomaaliga ee BBC-da in aysan dhex dhexaad ka aheyn arrimha Somaliland, isla markaana doodaha ay qabato ka qeyb geliyaan dad ka soo horjeeda Somaliland.
BBC-da ayaa dhageystayaal iyo daawadayaal badan ku leh gobollada waqooyi ee Soomaaliya ee uu Ingiriisku gumeystay, balse 1991-kii iskood ugu dhawaaqay in ay ka go’een Soomaaliya inteeda kale.
BBC oo go'aan ka gaartay magaca loogu yeerayo Somaliland
Madaxda idaacadda iyo telefeshinka BBC-da ayaa go'aan ku gaaray in maamulka Somaliland ugu yeeraan "Jamahuuriyadda iskeed madax-bannaanida ugu dhawaaqday", arrinkaas oo ka careysiiyay shacabka iyo maamuka Somaliland.