Eng. Yarisow ayaa waxaa lagu tilmaamay aqoonyahan leh karti, hufnaan iyo waayo aragnimo buuxda. Waxaana la amaanay shaqooyinkii uu ka soo qabtay wasaaradda warfaafinta xilligii uu wasiirka ka ahaa.

Wasiirka cusub ee warfaafinta ayaa ah aqoonyahan haysta shahaaddada Masterka, isla markaana xilal kala duwan ka soo qabtay dowladihii hore; sida wasiirka lacagta, wasiirka warfaafinta, la-taliyaha, iyo af-hayeenka madaxweynaha.

Mudane Yariisow, oo mudo dheer ku noolaa dalka Ingariiska, ayaa waxa dadka yaqaanna ay sheegeen in uu shaqooyin muhiim ah ka soo qabtay jaaliyadda Soomaalida ee ku nool Ingariiska, iyo weliba dowladda Hoose ee London.

Dadka yaqaanna, waxa ay Eng. Yarisow ku sheegaan muwaaddin daacad ah, dalkiisa jecel, mar walbana u taagan horumarka bulshada iyo dowladnimada Soomaaliya.

By Nuur Ismaaciill Sheekh